Kalurahan Karangwuni

Karangwuni (SID), Pertengahan wulan Juli, kadang tani ing wilayah Desa Karangwuni, wus podho sengkut oncek telo bakal di dadekke gaplek. Emane bebarengan kadang tani gumregut Gusti Kang Momo Kuwoso ugo peparing arupo gremis, kamongko ing pengangkah oncek telo ing wulan Juli kaajab ora ono udan kiriman saenggo mutune gaplek iso apik.

Grimis kang wetoro telung ndino marake telo kang wus dionceki banjur ora iso keno panase srengenge akibate gaplek podo pangan jamur lan rupane ireng. Walah mas ra keno di sego thiwul, yo di nggo gawe gathot, pratelane salah sijine kadang tani kang ora gelem di ngerteni asmane. Mung mawon nek ireng ngeteniki bobote sudo kathah, benten nek gaplekke niku rupane putih, kelang niku ngge sego thilul jos, sinambi ngacungke jempol astane.

Rego gaplek tekan wektu iki Rp. 1.000,- tekan Rp. 1.200,-, wis regane mung semono, ketambahan asile gaplek mudun tinimbang tahun-tahun kang kawuri. Wolo-wolo kuwato mas geplek ra enek regane, gek panene sudo, butuhe banyu soyo akeh, mergane petani ing lalatan Karangwuni isih ono kang kekurangan banyu resik.