Kalurahan Karangwuni

KARANGWUNI (SID). Wulan September akhir nganti Wulan Oktober 2017, kadang tani ing tlatah Desa Karangwuni wis wiwit gumregut padho nibakke  wiji ing pategalan (ngawu-awu). barang kang di tandur awujut gabah. Wus dadi budoyo kadang tani ing tlatah Desa Karangwuni, manowo ing saben tahune podo nandur gabah sak durunge udan ing mongso rendeng teko. Ing pengangkah sakwuse udah teko lan cukup kanggo tandur tuwuh kadang tani mung kari nandur polowijo, yoiku kacang, jagung, telo lan liya-liyane kejobo gabah.

Emane ing tahun iki ono sebagian kadang wargo kang tandurane pari uwis wiwit tuwuh, amargo akhir Wulan September ono udan kang cukup kanggo tandur tuwuh, kamongko ono sebagian wargo kang wis ndhisiki nandur gabah, mulo gabah kang wis di tandur biso tuwuh. Kosok balene ono kadang tani kang durung ngawu-awu, mulo gabahe ugo urung tuwuh, malah ono wargo kang arep nandur gabah ngenteni yen lemahe rodo garing supayane winihe ora keno jamur.

Kanggo kadang wargo kang tandurane wis podho tuwuh sakiki mung kari ngenteni banyu udan ben cepet gedhe, ewodene kang lagi tandur ugo ngenteni udan ben tandurane enggal tuwuh. Sejatine kadang tani wis podo siap nenanduran, mung wae ngenteni ben mepet tibane udan, amargo soko ature BMG menowo udan bakal teko kiro-kiro Wulan Oktober akhir nganti Wulan November awal, prediksine awal oktober ono udan, nanging isih ono  kenthatan.

Sinadyanto ono kang wis tuwuh, lan ugo ono kang isih nandur, mugo-mugo asile olah tetanen kadang wargo ing tahun iki tansah nyukupi ing saben dinane. Aamiin.