Kalurahan Karangwuni

Karangwuni, 8 Januari 2020. Mongso rendeng kang wus kelakon ing tlatah Desa karangwuni, anjalari olah kridhaning tetanen poro kadang tani sang soyo gumbregut. Amargo tumuruning udan ing Karangwuni keporo ora bareng mulo tanduran ugo thukul ora bareng, ono kang wektu iki wus ngrabuk mergo tandurane wis nyukupi, ananging ono ugo kang lagi matun.

Keporo ing sisih kidul perangan Desa Karangwuni lagi mbarehi anggone ngresiki suket ono ing sak selo-selane tanduran pari (matun), amargo ing tahun iki ora ono kiriman udan mulo tuwuhan suket ing tegalan sang soyo akeh, anjalari poro among tani kewalahen anggone matun. Kang biasane mung cukup di tandangi keluarga, wektu iki kudu nggolek tenogo kanggo ngresiki suket ing sak selo-selane pari.

Matun kang ka pindo biasane poro kadang tani kang kekurangan tenogo amung nggunakke obat kanggo mateni suket ing tanduran pari, senajan regane larang kepekso kadang tani nggunakke obat kasebut amargo suket alam kang thukul sang soyo ngremboko, sahenggo ngalahake tanduran pari.

Ing pengangkah tahun 2020 iki olah kridaning tetanen poro kawulo tani ngurakabi ing samu barang lir. Aamiinnn